M

Rexistro

Promocions

Por que .gal

Como .gal

Rexistradores

Axuda

Preguntas frecuentes

Mapa do sitio

Ferramentas

Guías

i.gal

velaqui.gal

DGI

Actualidade

Novas

Comunicación

Historias PuntoGal

Nós

O dominio

O equipo

A asociación

Rexistrar ou revender .gal

Dominio

PuntoGal

Rexistro

Promocións

Por que .gal

Como .gal

Rexistradores

Actualidade

Novas

Comunicación

Historias PuntoGal

Nós

O dominio

O equipo

A asociación

Rexistrar ou revender .gal

Axuda

Preguntas frecuentes

Mapa do sitio

Ferramentas

Guías

Consellos

i.gal

velaqui.gal

21/12/22
Historias a través de imaxes: ollo.gal

Moitas veces son as imaxes, e non as palabras, as encargadas de contar historias. En ollo.gal recóllense este tipo de traballos gráficos, pertencentes a fotoxornalistas e fotodocumentalistas de renome, incluindo os do premiado fotoxornalista Brais Lorenzo.

Pregunta: De onde xurdiu a idea de Ollo? Quen está detrás deste colectivo multidisciplinar?
Resposta: Ollo é un colectivo formado por fotoxornalistas e fotodocumentalistas con contrastadas traxectorias no eido do documentalismo gráfico e videográfico. A maiores, o colectivo conta con figuras do ámbito da xestión cultural e da curadoría artística. A idea xurdiu das longas conversas mantidas entre eles sobre a necesidade de contar historias importantes de xeito máis profundo e para darlle máis valor ao propio eido do documentalismo e o fotoxornalismo.

P: Por que usades ollo.gal para a vosa web? Que pensades que vos ofrece o dominio .gal?
R: Porque cremos na importancia do noso territorio e .gal é unha forma para nós de manter o seu valor.

P: Cal é o motivo principal da creación do voso colectivo? Ata onde queredes chegar?
R: OLLO naceu pola necesidade de divulgar e dar difusión a historias relevantes para a sociedade a través da linguaxe da imaxe ou da narrativa audiovisual. Queremos chegar a todos sitios, queremos trasladarlle á xente a importancia e o valor das historias, que tamén son súas, e que nós contamos para dar unha visión máis profunda de todo o que nos rodea.

P: Onde traballades principalmente e cales son os vosos proxectos?
R: De momento estamos a tratar temas do noso territorio. Temos outros proxecto producidos e estamos xa a desenvolver outros que irán saíndo á luz cando chegue o momento oportuno.

P: Se hai algo máis que queirades comentar aos nosos lectores, este é o lugar.
R: Agardamos que sexan do voso interese as historias que contaremos dende Ollo. Cremos que outras narrativas son necesarias para entender a realidade nos tempos actuais e que podemos aportar moito á sociedade dende a nosa particular ollada.

Compartir

Compartir