LibreOffice é un conxunto de programas ofimáticos preparados para procesar textos, presentacións, follas de cálculo, gráficos, bases de datos e unha suite moi completa e que se actualiza constantemente. Ademais é de fonte aberta e de balde, e está dispoñible para Windows, Mac e Linux.

1.- Descargar LibreOffice desde a web do proxecto: https://gl.libreoffice.org/

2.- Descargar o paquete de idioma galego

3.- Montar os discos descargados e botar o arquivo de LibreOffice.app na carpeta de aplicacións, igual que farías para instalar calquera outro programa.

4.- Agora vai ao disco que se chama “LibreOffice gl Language Pack”. Dentro hai unha aplicación que tes que executar. É posible que teñas que autorizala nos axustes do teu Mac.

5.- Agora tes que abrir a aplicación LibreOffice. Se non o ves en galego, debes activalo en”Language Settings”

6.- Se pechas e abres outra vez a aplicación, xa estará dispoñible en galego, incluíndo os dicionarios de corrección.