Santiago de Compostela, 11 de decembro de 2023.- PuntoGal quere celebrar a chegada do Apalpador cunha atractiva rebaixa no prezo dos novos dominios. Nos rexistradores sumados a esta promoción, as persoas interesadas poderán obter o seu .gal por un prezo máximo de 10 euros máis IVE. Os prezos rebaixados estarán vixentes desde o día 11 e ata o 22 de decembro.

A gráfica da campaña foi realizada por Claudia Pérez Corral, unha artista multidisciplinar que ten unha especial sensibilidade pola intervención téxtil. Podes coñecer a súa obra en instagram.com/claudiaperezcorral

Para poder aproveitar a promoción de desconto nos prezos do .gal que traen estas festas, é preciso dirixirse ás empresas rexistradoras Openprovider, Ovh.com, Dinahosting, Don Dominio, INWX,Radia, CdMon, e Arsys, que ofrecen distintas políticas de prezos e servizos con rexistro de dominios novos. PuntoGal recomenda visitar todas as páxinas das empresas participantes na promoción e atopar a que se adapte mellor ás súas necesidades. Toda a información atópase na páxina www.dominio.gal/promocions/.

PuntoGal, que ten arredor de 7.000 dominios rexistrados, segue traballando para que todas aquelas persoas, asociacións, institucións e empresas que se queiran dar a coñecer na rede como parte da comunidade galega poidan facelo cun prezo competitivo.

O dominio continúa co seu programa corporativo de apoio a iniciativas relacionadas coa lingua, a cultura e as TIC en Galicia. Entre as últimas actividades realizadas figura o patrocinio dos VIIIPremios Paraugas, entregados o 17 de novembro ás mellores estratexias de creatividade, deseño, edición, industria gráfica, márketing e comunicación, ou a entrega de premios dos VII Premios Spin-Off PuntoGal, que recoñece a transferencia de coñecemento entre a universidade e a empresa e alentar o emprendemento que xorde desde os grupos de investigación universitarios.

Máis información en www.dominio.gal ou no 670226268.