O dicionario da RAG é unha referencia imprescindible do noso idioma. Tanto dá que sexa para resolver encrucillados como para estarmos seguros da corrección dos nosos escritos, paga a pena levalo sempre no peto. Para iPhone ou iPad temos dispoñible unha aplicación de balde deseñada xustamente para iso. A súa instalación e o seu uso non poden ser máis sinxelos.

1.- Vai a ‘AppStore’, a tenda de aplicacións do teu dispositivo.

2.- Selecciona ‘Buscar’.

3.-Con poñer ‘RAG’ xa aparece entre as primeiras.

4.- Preme en ‘Obter’ ou en descargar, se é que xa a descargaras anteriormente desde a conta que estás usando (como sucede no exemplo).

5.- Tan pronto a abras, é posible que che pida permiso para actualizar a base de datos das palabras. Concédello.

6.- Preme  no menú, arriba e a esquerda.

7.- Xa tes ao teu dispor todas as funcionalidades do dicionario, incluíndo opcións para o personalizar ou xogos.