Velaqui.gal é unha ferramenta que ofrecen PuntoGal e Dinahosting para o intercambio de arquivos ou imaxes ata 3GB de tamaño. O sistema permite compartir ficheiros en múltiples formatos así como a subida de maneira simultánea de moitos documentos na mesma solicitude.

LibreOffice é un conxunto de programas ofimáticos preparados para procesar textos, presentacións, follas de cálculo, gráficos, bases de datos e unha suite moi completa e que se actualiza constantemente. Ademais é de fonte aberta e de balde, e está dispoñible para Windows, Mac e Linux.

Firefox é un navegador web, un programa que permite acceder a sitios web, interpretalos e mostralos en distintos dispositivos. É de balde e de fonte aberta, así que calquera pode contribuír ao seu desenvolvemento.  A súa versión en galego, por exemplo, está preparada e compilada por Proxecto Trasno. Está dispoñible para Windows, Mac, Linux, IOS e Android.

Twitter é un servizo de microblogging e unha rede social na que postear mensaxes curtas, ler as dos teus contactos e reaccionar. Aínda que pareza pouca cousa, con centos de millóns de usuarios interactuando en tempo real, é unha das plataformas máis activas da rede.