Windows é un sistema operativo comercial que ven cargado por defecto na maioría dos ordenadores que se poden comprar. Dispón de múltiples versións para distintos usos.

Firefox é un navegador web, un programa que permite acceder a sitios web, interpretalos e mostralos en distintos dispositivos. É de balde e de fonte aberta, así que calquera pode contribuír ao seu desenvolvemento.  A súa versión en galego, por exemplo, está preparada e compilada por Proxecto Trasno . Está dispoñible para Windows, Mac, Linux, IOS e Android.

Office, de Microsoft, é un conxunto de programas ofimáticos preparados para procesar textos, presentacións e follas de cálculo. É practicamente o estándar na meirande parte das oficinas do mundo, e dispón de múltiples versións para consumidores individuais, colectividades ou estudantes. Está dispoñible para Windows e Mac.

Facebook é a rede social por excelencia, na que miles de millóns de persoas, empresas ou entidades interactúan constantemente.

O dicionario da RAG é unha referencia imprescindible do noso idioma. Tanto dá que sexa para resolver encrucillados como para estarmos seguros da corrección dos nosos escritos, paga a pena levalo sempre no peto. Para Android temos dispoñible unha aplicación de balde deseñada xustamente para iso. A súa instalación e o seu uso non poden ser máis sinxelos.