Ferramentas
Nesta páxinas recollemos algunhas ferramentas básicas para traballar na rede en galego e de xeito seguro. Tes unha serie de trebellos e artigos de ciberseguridade que che poden axudar de xeito doado e de balde a manter seguros os teus equipos e a túa páxina web. Ademais, coas guías podes usar a rede e as principais ferramentas ofimáticas en galego, e na sección de consellos compilamos outros artigos de interese. Se botas algo en falta, queremos escoitar as túas suxestións en info@dominio.gal
Ciberseguridade
A seguridade na rede é importante para todos: usuarios, administradores de páxinas web, rexistradores ou xestores de dominios. Desde PuntoGal botamos unha man para facer da rede un lugar máis seguro para todos.
Seguridade no correo no 2022
O correo electrónico segue sendo a porta de entrada a grandes cantidades de malware, así como o obxectivo de calquera ataque baseado na enxeñería social. A través do correo electrónico podemos atopar ficheiros infectados, troianos, ligazóns a páxinas web fraudulentas ou unha historia que nos atrapa e que nos leva, co paso do tempo, a ser vítimas dunha estafa.
PuntoGal súmase á Global Cyber Alliance
PuntoGal acaba de asinar a súa incorporación á Global Cyber Alliance (GCA), a organización internacional creada en 2015 para afrontar os riscos cibernéticos e facer da rede un lugar máis seguro. O dominio convértese así na primeira entidade galega en sumarse a esta alianza global, dentro da súa política de reforzar a seguridade do ámbito dixital. Segundo sinalaron ambas partes, o obxectivo desta colaboración é fomentar a confianza no ecosistema dixital galego, do que PuntoGal é unha peza fundamental.
